Alfa Romeo Giulietta frumsýnd á Íslandi

Laugardaginn 1. september mun Ís-Band kynna formlega Alfa Romeo vörumerkið og frumsýna þrjá nýja Alfa Romeo bíla.

Alfa Romeo á sér ríka hefð í hönnun á kappaksturs- og sportbílum og endurspeglar framleiðsla þeirra bíla, þar sem ávallt er lögð áhersla á sportlega akstureiginleika og glæsilegt útlit.  Það ætti því að vera ánægjuefni fyrir aðdáendur slíkra bifreiða að bílar frá Alfa Romeo séu nú boðnir hér á landi.

Að þessu tilefni mun Ís-Band frumsýna þrjá bíla úr vörulínu Alfa Romeo.

ALFA ROMEO STELVIO

Stelvio er sportjeppi sem hefur nú þegar skráð sig á spjöld sögunnar, en hann státar af hraðameti fjöldaframleiddra jeppa á Nürburgring F1 keppnisbrautinni í Þýskalandi.  Stelvio er fáanlegur með 210 hestafla díselvél eða 280 hestafla bensínvél og mun Ís-Band sýna báðar útfærslur. Stelvio er fáanlegur  í hinni mögnuðu Quadrifoglio útfærslu sem skilar 510 hestöflum.  Verð á Stelvio er frá 7.990.000 kr.

ALFA ROMEO GIULIA

Giulia fékk Gullna stýrið fyrir að vera “fallegasti bíllinn” þegar hann kom á markað 2016.  Má segja að Giulia endurspegli orðið fegurð, í allri sinni mynd.  Giulia hefur fengið fjölda verðlauna ekki bara fyrir útlitshönnun, heldur einnig fyrir einstaka akursteiginleika.  Grunnútgáfa Giulia er með 2,0 lítra 150 hestafla bensínvél og 8 þrepa sjálfskiptingu og kostar hún frá 5.990.000 kr.

Ís-Band mun sýna á sýningunni Giulia í Veloce útfærslu, fjórhjóladrifinn með 280 hestafla bensínvél.  Giulia er einnig fáanleg með 210 hestafla dísellvél, fjórhjóladrifin og kostar hún þá frá 7.850.000 kr. Líkt og Stelvio er Giulia fáanleg í Quadirfoglio fjórhjóladrifinni útfærslu með 510 hestafla bensínvél.

ALFA ROMEO GIULIETTA

Að lokum verður svo frumsýnd Alfa Romeo Giulietta, sportlegur og sprækur bíll í millistærðarflokki.  Verð á Giulietta er 4.900.000 kr.

Sýningin verður í sýningarsal Ís-Band að Þverholti 6 í Mosfellsbæ og verður opin frá kl. 12-16.  Boðið verður upp á ítalskt gæðakaffi frá Lavazza og aldinvatnið AVA frá Ölgerðinni.

By |2018-08-27T19:36:54+00:00August 27th, 2018|Alfa Romeo, ÍS-BAND|0 Comments

About the Author:

Leave A Comment

Á þessari heimasíðu eru notaðar vafrakökur til þess að tryggja bestu mögulegu upplifun notenda. Lesa nánar Samþykkja